Suivi de la section Handball

tarajjidawla · 13-09-2024 01:32

باش نبداوا واضحين و ما يخرجولناش جماعة قيس عطية يبرروا إلي ما يتبررش راهوا ما عندنا حتى مشكل مع السيد هذا
السيد ما عامل حتى قدر للجمعية و متكبر عليها و فيبالوا هو فوق الجمعية
صحيح كرئيس فرع ناجح و ناجح جدا زادة و جاب برشى ألقاب و الوحيد إلي قهر الأهلي و الزمالك برشى مراة و لاكن في بلاصت يعتذر و يقول راني غلطت و عملت غلطة كبيرة في حق النادي و نطلب الإعتذار من الجمهور، بكل وقاحة هو قال موش مشكل و المسابقة ما عندها حتى قيمة و ما تهزش لكأس العالم ، كاينوا ما فمة كان كأس العالم و ردها حكاية فارغة و ناسي إلي فيها لقب كبير القارة

موش معقول إستبلاه الجمهور و العبث بإسم نادي عمروا 105

رانا ما نحبوهش يستقيل و ما نحبوش نطردوه أما كان ما يعتذرش راهوا وقتها ماهوا عامل حتى قدر الجمهور و لتاريخ الجمعية

neder bachbaoueb · 13-09-2024 07:28

خطأ إداري فادح من قيس عطية و لا مبرّر له
و التصريح في حد ذاتو أخطر من الخطأ

neder bachbaoueb, neder bachbaoueb

mestiri67 · 13-09-2024 09:41

حدث الموسم … لالا حدث الفوروم …. لالا حدث القرن ….
نادر و ترجي دولة متوافقين في موضوع ههههههههه
هههههههههه

mestiri67, mestiri67, mestiri67, mestiri67

neder bachbaoueb · 13-09-2024 09:47

mestiri67 a écrit :

حدث الموسم … لالا حدث الفوروم …. لالا حدث القرن ….
نادر و ترجي دولة متوافقين في موضوع ههههههههه
هههههههههه

الحر يدافع عن الفكرة مهما كان قائلها و العبد يدافع عن الشخص مهما كانت فكرته

كلمة الحق ما فيهاش شكون قالها

tarajjidawla · 13-09-2024 20:28

بعد عديد الوساطات بين مكارم المهدية والترجي الرياضي، لاعب كرة اليد جاسر بن حسين، أصبح على ذمة فريق باب سويقة، مقابل 100 ألف دينار

tarajjidawla

Aspiss · 14-09-2024 00:01

neder bachbaoueb a écrit :

خطأ إداري فادح من قيس عطية و لا مبرّر له
و التصريح في حد ذاتو أخطر من الخطأ

كنت نتوقع يستقيل فورا.. وفي أقصى الحالات يستقيل وقت نتأكد تماما من عدم المشاركة..

معنتها ما يشفعلو كان الزهر

tarajjidawla · 14-09-2024 00:05

Aspiss a écrit :

كنت نتوقع يستقيل فورا.. وفي أقصى الحالات يستقيل وقت نتأكد تماما من عدم المشاركة..
معنتها ما يشفعلو كان الزهر

نخير كان يعتذر و نسكروا الموضوع
بكل صراحة كرئيس فرع ناجح و يعرف يخدم و باش نخسروه كان يخرج

لازم يفهم إلي الترجي هيا إلي عملتوا و أعطاتوا إسم و ما ينجمش يتكبر عليها و على جمهورها أما ما توصلش للإستقالة أو الإقالة على غلطة إدارية حتى و لو كانت كبيرة تقعد غلطة إدارية

أنا لمت عليه التصريح أكثر من الغلطة

tarajjidawla, tarajjidawla

Aspiss · 14-09-2024 10:36

tarajjidawla a écrit :

نخير كان يعتذر و نسكروا الموضوع
بكل صراحة كرئيس فرع ناجح و يعرف يخدم و باش نخسروه كان يخرج
لازم يفهم إلي الترجي هيا إلي عملتوا و أعطاتوا إسم و ما ينجمش يتكبر عليها و على جمهورها أما ما توصلش للإستقالة أو الإقالة على غلطة إدارية حتى و لو كانت كبيرة تقعد غلطة إدارية
أنا لمت عليه التصريح أكثر من الغلطة

حسب رأيي التصريح يبقى مسألة شكلية. هي اللي تتطلب الاعتذار.. ويكون كافي..

لكن الغلطة الإدارية قاتلة.. هاو شنوة نقصد:

انتي صارف فلوس وتكون في فريق ممتاز.. و تمكنت من جمع جيل غير مسبوق من اللاعبين الممتازين والمتجانسين.. شنوة الهدف ؟ بش تلعب بيهم بطولة تونس بالنظام المعفط متاعها اللي هو سلسلة من فرص التدارك للفرق الضعيفة لعل ينجموش يخطفو البطولة على غلطة ماتش في حين ان الفارق بين الترجي وبقية الفرق كبير ياسر؟

الهدف هو بطولة أفريقيا والبطولة العربية ومشاركة عالمية متميزة..

إذا تلم كل هاللاعبين ومبعد تقلهم راهو أصعب ماتش عندكم بش يكون ضد ساقية الداير أو الزيت أو درا شكون .. وقتها يولي استهتار بالترجي و بالفلوس واستهتار حتى بالملاعبية وقيمتهم..

لو كنت فاعل في الترجي نعطي فرصة لقيس عطية حتى لين تبدى البطولة الأفريقية.. لو اسعفه الحظ وانسحب فريق آخر ليشارك الترجي.. أو لو اسعفته اتصالاتو وتليفونو وعلاقاته بش يخلي فريق ينسحب.. وقتها تو نكتفي بتوحيه توبيخ.. سينون شنعمل بيه هو وفرع كرة اليد جملة..

Dernière modification par Aspiss (14-09-2024 10:39)

tarajjidawla · 14-09-2024 15:15

Aspiss a écrit :

حسب رأيي التصريح يبقى مسألة شكلية. هي اللي تتطلب الاعتذار.. ويكون كافي..
لكن الغلطة الإدارية قاتلة.. هاو شنوة نقصد:
انتي صارف فلوس وتكون في فريق ممتاز.. و تمكنت من جمع جيل غير مسبوق من اللاعبين الممتازين والمتجانسين.. شنوة الهدف ؟ بش تلعب بيهم بطولة تونس بالنظام المعفط متاعها اللي هو سلسلة من فرص التدارك للفرق الضعيفة لعل ينجموش يخطفو البطولة على غلطة ماتش في حين ان الفارق بين الترجي وبقية الفرق كبير ياسر؟
الهدف هو بطولة أفريقيا والبطولة العربية ومشاركة عالمية متميزة..
إذا تلم كل هاللاعبين ومبعد تقلهم راهو أصعب ماتش عندكم بش يكون ضد ساقية الداير أو الزيت أو درا شكون .. وقتها يولي استهتار بالترجي و بالفلوس واستهتار حتى بالملاعبية وقيمتهم..
لو كنت فاعل في الترجي نعطي فرصة لقيس عطية حتى لين تبدى البطولة الأفريقية.. لو اسعفه الحظ وانسحب فريق آخر ليشارك الترجي.. أو لو اسعفته اتصالاتو وتليفونو وعلاقاته بش يخلي فريق ينسحب.. وقتها تو نكتفي بتوحيه توبيخ.. سينون شنعمل بيه هو وفرع كرة اليد جملة..

خويا الكلام هذا بيدوا قلتوا الموسم إلي فات على فرع الكرة الطائرة إلي عاملين 6 ثلاثيات متتالية و ما نحبوش نشاركوا في 2 بطولات إفريقية متتالية منهم وحدة في تونس و هزتها مولدية بوسالم و الثانية بوسالم وصلت فيها للنهائي و خسرة قدام الأهلي

كيف قلتوا الكلام هذا و كيفاش جمعية فيها 3/4 الفريق القومي التونسي تتهرب مرتين باش تشارك في البطولة الإفريقية خوفا من الهزيمة، ردوني ضد بوسلامة و عدو النجاح و هو رئيس ناجح و النتائج متاعوا تحكي عليه و قريب يولي "صل الله علية و سلم" و كان عملنا ربع هذا في فرع كرة القدم راهي الدنيا قامت و ما قعدتش

اليوم ما إنجمش نقول نفس الكلام على قيس عطية على خاطر ماناش باش نشاركوا على غلطة متاع إستهتار و موش إستنقاص من الجمعية و خوف من المنافس و هذا علاش قلت غلطة إدارية صحيح خايبة و ماهيش في حجم جمعية بقيمة الترجي و لاكن لا تتطلب الإقالة حسب رأيي

tarajjidawla

Aspiss · 14-09-2024 21:21

tarajjidawla a écrit :

خويا الكلام هذا بيدوا قلتوا الموسم إلي فات على فرع الكرة الطائرة إلي عاملين 6 ثلاثيات متتالية و ما نحبوش نشاركوا في 2 بطولات إفريقية متتالية منهم وحدة في تونس و هزتها مولدية بوسالم و الثانية بوسالم وصلت فيها للنهائي و خسرة قدام الأهلي
كيف قلتوا الكلام هذا و كيفاش جمعية فيها 3/4 الفريق القومي التونسي تتهرب مرتين باش تشارك في البطولة الإفريقية خوفا من الهزيمة، ردوني ضد بوسلامة و عدو النجاح و هو رئيس ناجح و النتائج متاعوا تحكي عليه و قريب يولي "صل الله علية و سلم" و كان عملنا ربع هذا في فرع كرة القدم راهي الدنيا قامت و ما قعدتش
اليوم ما إنجمش نقول نفس الكلام على قيس عطية على خاطر ماناش باش نشاركوا على غلطة متاع إستهتار و موش إستنقاص من الجمعية و خوف من المنافس و هذا علاش قلت غلطة إدارية صحيح خايبة و ماهيش في حجم جمعية بقيمة الترجي و لاكن لا تتطلب الإقالة حسب رأيي

موافقك في الموقف من شكيب بوسلامة.. ولو انو السبب العلن وقتها هو الاحتجاج على تتلاعب الكاف بالدورات المرشحة البطولة العالم.. و ديجا تلاعبو بمولدية بوسالم وما خلاوهاش تشارك في المونديال..

وكيف الهوند كيف الفولي وصلنا لسيطرة محلية يولي معاها الامتناع ع المشاركات الخارجية جريمة..

tarajjidawla · 14-09-2024 23:23

Aspiss a écrit :

موافقك في الموقف من شكيب بوسلامة.. ولو انو السبب العلن وقتها هو الاحتجاج على تتلاعب الكاف بالدورات المرشحة البطولة العالم.. و ديجا تلاعبو بمولدية بوسالم وما خلاوهاش تشارك في المونديال..
وكيف الهوند كيف الفولي وصلنا لسيطرة محلية يولي معاها الامتناع ع المشاركات الخارجية جريمة..

في الكرة الطائرة الكاف ما عندها حتى دور في عدم إستدعاء بطل إفريقيا لكأس العالم و هو قرار الجامعة الدولة للكرة الطائرة و المنضمين لبطولة العالم قالك مستوى الفرق الإفريقية ضعيف برشى و ما ينجموش ينافسوا حتى على شوط في بطولة العالم

على الأقل كيف أحنا ماناش مشاركين في بطولة العالم و بعاد برشى على مستوى بطولة تونس خلينا نرفعوا من المستوى متاعنا في بطولة إفريقيا و هذا علاش نلوم على بوسلامة

tarajjidawla

Aspiss · 15-09-2024 00:22

tarajjidawla a écrit :

في الكرة الطائرة الكاف ما عندها حتى دور في عدم إستدعاء بطل إفريقيا لكأس العالم و هو قرار الجامعة الدولة للكرة الطائرة و المنضمين لبطولة العالم قالك مستوى الفرق الإفريقية ضعيف برشى و ما ينجموش ينافسوا حتى على شوط في بطولة العالم
على الأقل كيف أحنا ماناش مشاركين في بطولة العالم و بعاد برشى على مستوى بطولة تونس خلينا نرفعوا من المستوى متاعنا في بطولة إفريقيا و هذا علاش نلوم على بوسلامة

شكرا على تصحيح المعلومة.. موافقك ع الباقي

tarajjihobbi · 15-09-2024 11:39

صباح الخير و مولد مبروك على الناس الكل و على أمة سيدنا محمد أجمعين
عندي ملاحظة بخصوص فرعي اليد و الطائرة في المكشخة و ماذابيا نعرف رايكم (خصوصا الناس المقربين من المسؤولين على الزوز فروع هاذم)
أنا نتفكر حمدي المدب قال في جلسة عامة(قد تكون أول جلسة ليه على رأس النادي و قد يكون قالها أكثر من مرة) نتفكرو قال إلي بالنسبة ليه إلي يحب يشد رئيس فرع معاه لازم يتكلف وحدو بمصارف الفرع وحدو و هو يعني سي حمدي يتكلف بمصارف كرة القدم...إلي لاحظتو هو كونو الترجي أكثر من مرة في الطائرة و إلا اليد يا إما تقرر عدم المشاركة في بطولة إفريقية أو تنسحب في آخر لحظة و في كل مرة التعليل متاع المسؤولين مايكونش مقنع...قيس عطية مرة قال شنوة الفايدة ننتدب لاعب بالذمة لبطولة إفريقيا ندفعلو 60 ألف دولار و أنا ماني باش نحتاجو كان في ماتش و الا زوز
الملخص متاع فكرتي أنو يظهرلي القرار بالمشاركة من عدمها مربوط بمدى تحمس رئيس النادي لتمول فرع قادم على منافسة إفريقية...نحسبوها مليح قبل كل مشاركة و نختارو البطولة إلي نكونو عارفين عنا حظوظ كبيرة نهزوها و ممكن تعدينا لمشاركة عالمية
أنا هذا إلي فهمتو و بصراحة عموما الإستراتيجية هذا في المطلق موش غالطة

tarajjidawla · 15-09-2024 11:55

tarajjihobbi a écrit :

صباح الخير و مولد مبروك على الناس الكل و على أمة سيدنا محمد أجمعين
عندي ملاحظة بخصوص فرعي اليد و الطائرة في المكشخة و ماذابيا نعرف رايكم (خصوصا الناس المقربين من المسؤولين على الزوز فروع هاذم)
أنا نتفكر حمدي المدب قال في جلسة عامة(قد تكون أول جلسة ليه على رأس النادي و قد يكون قالها أكثر من مرة) نتفكرو قال إلي بالنسبة ليه إلي يحب يشد رئيس فرع معاه لازم يتكلف وحدو بمصارف الفرع وحدو و هو يعني سي حمدي يتكلف بمصارف كرة القدم...إلي لاحظتو هو كونو الترجي أكثر من مرة في الطائرة و إلا اليد يا إما تقرر عدم المشاركة في بطولة إفريقية أو تنسحب في آخر لحظة و في كل مرة التعليل متاع المسؤولين مايكونش مقنع...قيس عطية مرة قال شنوة الفايدة ننتدب لاعب بالذمة لبطولة إفريقيا ندفعلو 60 ألف دولار و أنا ماني باش نحتاجو كان في ماتش و الا زوز
الملخص متاع فكرتي أنو يظهرلي القرار بالمشاركة من عدمها مربوط بمدى تحمس رئيس النادي لتمول فرع قادم على منافسة إفريقية...نحسبوها مليح قبل كل مشاركة و نختارو البطولة إلي نكونو عارفين عنا حظوظ كبيرة نهزوها و ممكن تعدينا لمشاركة عالمية
أنا هذا إلي فهمتو و بصراحة عموما الإستراتيجية هذا في المطلق موش غالطة

إنجم نأكدلك إلي لا قيس عطية و لا شكيب بوسلامة عندهم فلوس باش يصرفوا فوق المليون دينار في الموسم على كرة اليد او الكرة الطائرة و الفلوس الكل من عند سب حمدي المدب

الفرق بين الفروع هذي و فرع كرة القدم هو التسيير

قيس عطية و شكيب بوسلامة يطلبوا ميزانية من قبل بداية الموسم يوافق عليها سي حمدي و بعد يتصرفوا فيها و يحاولوا ما يفوتوهاش و لازم زادة يجيبوا ألقاب محلية و إقليمية و خا نتصورش سي حمدي يفرح كيف يصرف اكثر من مليار على فرع باش يهز كان ثنائي تونسي و يكون غائب في إقليميا

E-S-Tunis.com

#5526 13-09-2024 01:32

Re : Suivi de la section Handball

#5527 13-09-2024 07:28

Re : Suivi de la section Handball

#5528 13-09-2024 09:41

Re : Suivi de la section Handball

#5529 13-09-2024 09:47

Re : Suivi de la section Handball

#5530 13-09-2024 20:28

Re : Suivi de la section Handball

#5531 14-09-2024 00:01

Re : Suivi de la section Handball

#5532 14-09-2024 00:05

Re : Suivi de la section Handball

#5533 14-09-2024 10:36

Re : Suivi de la section Handball

#5534 14-09-2024 15:15

Re : Suivi de la section Handball

#5535 14-09-2024 21:21

Re : Suivi de la section Handball

#5536 14-09-2024 23:23

Re : Suivi de la section Handball

#5537 15-09-2024 00:22

Re : Suivi de la section Handball

#5538 15-09-2024 11:39

Re : Suivi de la section Handball

#5539 15-09-2024 11:55

Re : Suivi de la section Handball

Pied de page des forums