Les nouvelles de l'EN : stages, effectif, infirmerie, etc.

tarajjidawla · 01-04-2022 00:55

بربي خليونا نفرحوا شوية رانا من نكبة لنكبة و من غمة لغمة و من غثرة لغصرة و ما فمة حتى أمل في مستقبل باهي للبلاد
ٱش كان علينا كان فرحنا شوية و مشينا لقطر و شبرشنا على ال300 مليون عربي إلي عندهم الفلوس و الإمكانيات و التشجيعات و ما عملوا شيء و أحنا 12 مليون بفقرنا و همنا ماشين لقطر كن بين أحسن 32 منتخب في العالم
لا تقلي لا كورة تحشم لا والوا كيف كانت الترجي غول إفريقيا ما مشيناش لكأس العالم بالرغم إلي كنا الأقوى و عندما احسن كورة و درابوا الترجيو تونس ما رفرفش في البرازيل عام 99 و 2000 و 2001 وقتلي متاعنا بدون منازع
كيف مشينا في 2011 شخنا و كانت أكبر فرحة متاعما و كيف رجعنا في 2018 و حتى 2019 بالرغم من مشكل الفار فرحنا كيف شفنا جمهور الترجي في قطر و الأمارات و هذا هو المفيد و التاريخ ماهوش باش يحكي على مقابلة مالي اما باش يكتب إلي في 2022 تونس لعبت كأس عالم و حضر في الملعب 20 ألف تونسي و عملوا الفرجة و شاخوا و دخلوا برشى فلوس لتونس و للجامعة و للنوادي التونسية و ما ننساوش كل ملاعبي يمشي لكأس العالم الفريق متاعوا ياخوا برشى فلوس كيف ما صار في 2018
هكا أنا نخمم في بلادي ، في فريقي، في راية تونس و مركزنا قدام الناس حتى بالكذب موش مشكل المهم كيفاش نضهر قدام العالم

سيبونا من التحاليل و خليونا نفرحوا و إن شاء الله غدوة ربي يكون معانا و تجينا قرعة باهية في المتناول و ربي يوفقنا

tarajjidawla, tarajjidawla

tarajjidawla · 01-04-2022 01:03

Djo1taraji2asroma a écrit :

ما تفرجتش فالماتش لكن بعد شوفت
الاحصائيات : نسبة امتلاك الكورة فوق السبعين فالميا
لمالي ماصدقتش. ضلم كتونس تترشح و الكوت ديفوار لا. عجب والله

يعني أنت كتونسي مقلق إلي تونس ترشحت و الكوت ديفوار لا؟
لا حول و لا قوة إلا بالله
يعني كيف 12 مليون خرجوا و شاخوا و باتوا فرحانبن و تحات عليهم شوية غمة أنت حسدتنا فيهم؟ كيف 30 ملبون من سكان الكوت ديرفوار يفرحوا و يشيخوا خير؟

و الله ما لقيت ما نقول كان ربي يهديك

أنا نونسي و فرحان و حتى بالدزان و بالفار و بالحيلة و الغورة المهم تونس في كأس العالم رغم الكل

tarajjidawla · 01-04-2022 01:13

socrates a écrit :

C'est quoi tout cet acharnement ??? Une qualification pour la coupe du monde ne peut etre que benefique a tout les points, on s'en fout si on a la possession ou pas ...
يا خويا برا نقولو انت متحبش و متشجعش ، بلادك ( ألي هيا خاجة خايبة ياسر حسب رأي ) ، متفرحش كي تشوف دالي و غيلان يكور مع messi ولا neymar ولا cristiano ?
ماتحسش بالفخر ؟ لحمك ما يقشعرش كيف تسمع معلقين مالعالم لكل يحكيو عالترجي ؟ خلي من معناويات و الخبرة الي بش يكتسبوها ولادنا كيف يعرفو شمعناها le tres haut niveau من قيمة التسويقية متاع لولاد بش تزيد برشة ...
انا واله حبيت دزاير تترشح رغم الي متكبرين اما كيف نشوف بدران وألا توغاي ولا حتى البلايلي في مناسبات كبيرة نعمل كيف ...

و الله شيء يهبل صاحبي كيفاش البلاد باش تقوملها قايمة في ضل الكم الهائل كن اللاوطنية إلي نشوف فيه و نقرى فيه و الله قلبي دم على بلادي قداش ديما يشلكوا فيها و هيا ديما تفرح فيهم من شيرة أخرى
الناس ماعادش يعنيلها شيء درابوا تونس و النشيد و كلام الصحافة الخارجية على تونس
البلدان المجاورة الكل غايرين منا و حاسدينا و أحنا ما نحبوش نفرحوا و ديما حتى شيء ماهوا عاجبنا
ما فماش شكون يعرف قيمة تونس و درابوا تونس و النشيد الوطني أكثر من إلي تغرب و خرج و عاش بعيد على تونس و أنا بلا فخر نعتز ببلادي و نحب نراها ديما الفوق و الناس الكل تحكي عليها بالرغم من مشاكلنا الكل
تحيا تونس و كيف ما غناوا في الفيستيار : اووه يا بنانا اووه يا بنانا و تونس في قطر يا طحانا
❤️❤️❤️

tarajjidawla · 01-04-2022 01:24

Djo1taraji2asroma a écrit :

-سمحني خويا لكن لحمي ما يقشعر كان كتربح المكشخة
-دالي و الشعلالي نفرح كنراهم يلعبوا كاس العالم للانديه
-وقت إلي هالبلاد تعطي حق أولادها منغير تمييز و معارف تو نشجعها
La méritocratie mon cher
وينو معز؟؟؟ موش تونسي؟
- كيما قال خونا توا وديع و جماعتو ميش يزيدو على قدام
Dernier point : j'aime le football et surtout le beau jeu et tout simplement la Tunisie ne mérite pas de se qualifier. On ira comme d'hab pour chercher 1 pt sur 3 matchs alors au diable boumnijel et son équipe nationale.
الوطنية موش فالكورة. الكورة انتماء و انا انتمائي واحد : الترجي

مع كل إحتراماتي ماك فاهم حتى شيء و تخلط في المفاهيم الكل
اولا ماناش نحكيوا كورة اما نحكيوا تونس في كأس العالم و درابوا تونس في كأس العالم
الإنتماء لفريق كرة قدم ما عندوا حتى علاقة بالدرابوا و اكبر مثل إلي يحبوا البرسى و الريال و غيرهم و هوما في تونس و إلا ساحلي أو صفاقسي يحب الترجي، هذا إنتماء لا علاقة بالوطنية تنجم تحب برشى فرق ما عندك معاهم حتى علاقة و فما شكون كان يحب فريق في صغروا و ولا يحب فريق ٱخر في كبروا و شكون كان يحب فريق كور معاه و بعد كيف كور مع فريق ٱخر ولا يحبوا أما بلادك ما تنجمش تبدلها و ما تنجمش ما تحبهاش كانك إنسان عادي

الأمور الاخرى متاع كا نحبش تونس عل خاطر تونس ما عطاتني شيء ما نحبش ندخل فيها على خاطر أمور ما عندها حتى دخل في الفوروم و الرياضة و ما نحب نحكي فيها و إلي ما يحبش تونس ما فماش علاش يحكي عليها و إلي ما يحبش يفرح معانا يخلينا نفرحوا على رواحنا و هو يمشي يفرح مع الريال و ألا مع الكوت ديفوار و إلي المنتخب الفرسي أومورا أحنا كتوانسا شايخين و حتى شيء ماهوا باش ينغص علينا فرحتنا

tarajjidawla · 01-04-2022 01:33

Djo1taraji2asroma a écrit :

Le pays est une chose et l'EN est toute une autre chose. Ca reste une équipe de football tu peux l aimer ou ne pas l aimer. Peut même la détester et détester le sport en général mais t' appartiens pleinement à ton pays. Cette équipe représenté par Jnaiyah, wadi3, boumnijil, moez hsan.... Ne me représente pas, c est trop simple.

Pourquoi alors tu écris et tu t'intéresses à cette rubrique si l'EN ne t'intéresse pas et ne te représente pas?
D'après ton raisonnement même si elle joue bien et produit du bon football elle ne te représente pas parce qu'elle est formée aujourd'hui par Jnayah et Cie ...

Je suis désolé mais c'est une attitude typiquement Zantourienne et c'est eux qui ont toujours détesté l'EN parce qu'elle était la plupart du temps à majorité EST et ESS et jusqu'aujourd'hui ils soutiennent Iffa et Ghandri plutôt que l'EN

Si l'EN ne te représente pas alors laisse nous STP savourer notre qualification sans essayer de jouer les troubles fêtes

Merci pour ta compréhension.

tarajjidawla · 01-04-2022 01:37

Youssef Esperantiste a écrit :

ما فما حتى تونسي ما يحبش بلادو رغم لي تلقاه متغشش عليها
هوني نحكيوا كورة
طريقة لعب المنتخب و عقلية المنتخب و شخصية المنتخب شخصية متع خوافة و سكر و ما تحلش لعب و ماذابيهم يحطو زوز في القول كان يلقاوا كيفاه

هذا هو الكلام تنجم تناقش طريقة لعب و مردود و هذا طبيعي و لاكن ما تنجمشما تفرحش لترشح تونس لكأس العالم و تقلي ما يعنيلي شيء و غريبة كيفاش تونس تترشح و ساحل العاج لا و تونس ما تمثلنيش على خاطر ما فيهاش معز بن شريفية و تونس ما عطاتني شيء!!!!! شيء موش معقول و العقل ما يستعوبوش

tarajjidawla

neder bachbaoueb · 01-04-2022 09:00

الكل حر في اختياراته و انتماءاته نحاولو نقبلو بعضنا ماناش هوني باش نتزايدو في الوطنية او في حاجات اخرى
انا واحد من الناس كيف برشة كيفي و ممكن اكثر مني ممكن غالطين ممكن لا ماناش سخان على المنتخب و الشي لا عندو علاقة لا بوديع لا بحمودة بن عمار لا برؤوف النجار
هي حكاية غريزة انتماء حاجة تاكلك من داخل
انا من النوعية الي كانت تونس تكور كونتر الزايير او زمبيا تلقاني في الحديقة ب
نتفرج في ماتش ابليكاسيون متاع فريق الامال و ساعات نبدا مافيباليش اصلا بماتش المنتخب
و تلقا مخي في الماتش الجاي متاع الترجي
و كي تاقف البطولة لتحضيرات المنتخب نفد لانو حبيبتي الترجي باش تخلي عليا بلاصة
مباريات المنتخب نتفرج فيهم بعين المتابع الرياضي
مباريات الترجي نتفرج فيهم بجوارحي الكل
ما فرضت رايي على حتى حد و ما جبرت حد باش يخمم كيفي و نحترم الي يخممو عكس هذا

انا حكيت على المنتخب من زاوية فنية بحتة و من زاوية ثقافة كرة القدم
المنتخب التونسي يفددني كي نتفرج فيه و صدقوني رقدت في الشوط الاول
حكيت كورة
اخيب منتخب كرويا ما نجمش نتفرج فيه
يلزمني نكذب نقول فخور بانتماءي لهذا الوطن العزيز و نعمل قصيدة في الغرض
لا مانيش فخور حتى طرف
بلاد الهم و القمع و الطحين و قصان الجوانح و الضلم و ووووو
خليني في الكورة

neder bachbaoueb, neder bachbaoueb

tarajjidawla · 01-04-2022 09:55

بربي ما نخلطوش المفاهيم
كل واحد حر في إنتماؤوا و حتى إلي ما يحبش تونس أصلا هو حر ما يهمنيش فيه
انا ما نفهمش واحد يقلي خسارة و حرام تونس تترشح و ساحل العاج لا
ما نفهمش تونسي ما يفرحش كيف يشوف بلادوا في كأس العالم و يزيد مالفوق ينغص علينا فرحتنا و ماهوش فاهم علاش احنا فرحانبن و يقلك تونس ما نفرحلهاش ما عطاتني شيء كيف إلي هو عاطي كل شيء لتونس
ياخويا ما طلبنا شيء خليونا نفرحوا شوية و ما تخافوش هاو جاي النكد عن قريب و باش تشيخوا نكد اما خليونا نفرحوا نهارين الزكش حرام فينا تفرحوا نهارين

tarajjidawla

tarajjidawla · 01-04-2022 10:10

نحكيوا على الترجي و الفريق الوطني
الترجي حبنا الكل و ما إنجموشنحكيوا فيه الموضوع مادامنا هوني في الفوروم مادام يجمعنا حب الترجي
حب تونس مادامنا عايشين في هالبلاد من المفروض يجمعنا حب تونس اما موش مشكل كل واحد حر شكون يحب

كيف الترجي مشات لكاس العالم للأندية كنا فرحانبن و كيف ما ربحنا حتى مقابلة و عمرنا ما تعدينا للدور المقبل ديما فرحانين إلي أحنا شاركنا و ماذابينا نشاركوا و نفرحوا و نسافروا كل عام و حتى كان كل عام نروحوا و نفس الحكاية مع تونس كل كأس عالم نربحوا مقابلة و إلا نعملوا تعادل و 2 هزائم و نروحوا الله غالب هذاكا مستوانا أما مشينا و فرحنا و شخنا و الصحافة العالمية حكات علينا و هذا باهي للكرة التونسية و للترجي و للبلاد و للإقتصاد و لمستقل ولادنا و مستقبلنا
كل شيء مربوط ببعضوا و كان عندكم شكون في الجزائر خليه يحكيلكم ٱش صاير اليوم في 40 مليون جزائري

ما فمة كان الكورة تفرح الشعوب و اليوم التوانسا فرحانة و هذي أهم حاجة

tarajjidawla, tarajjidawla

chdoulla · 01-04-2022 10:41

رايك في طريقة لعب المنتخب يهمنا
رايك في ما تحبش المنتخب ما حاجتناش باش نعرفوه و ما عندكش الحق تعبر عليه في الفوروم و خاصة في المساحة هذي
ما تحبش الترجي ما عندكش الحق تجي للفوروم و تعبر على مشاعرك.. المنتخب كيف كيف
سياسة خالف تعرف و أكتفي باش ما نغلطش معا عباد لا طالما إحترمت تحاليلهم في الكورة

chdoulla

neder bachbaoueb · 01-04-2022 10:50

با خويا نشالله ديما فرحانين و من فرحة لفرحة و ربي يبعد علينا الهم و الغم
فما فرق بين الكلام الي نحكيوه في بعضنا و فرق بين الكلام الي نحكيوه قدام الاعداء
يعني احنا كمكشخين نفرحو كيف نمشيو لكاس العالم في المقابل نفدو برشاااا كي نخسرو ضد السد و العين و الهلال و نوصلو حتى ندخلو في ازمة عادي خاطر ما ترشحناش
لكن قدام الزناطير باش نحكيو لغة احنا مشينا و نتوما شموها شمان و هات ماكاللاوي

كيف كيف احنا كتوانسة كي نحكيو قدام المصاروة و الدزيرية نبداو نفشلمو
ما نعرفوش نكورو اما مشينا للمونديال
ما نعرفوش نلعبو اما ربحنا المكسيك بشوطة بالصبع
ما نعرفوش نلعبو اما نربحوكم
لكن كي باش نحكيو كورة فيبعضنا و نقولو راهي كورتنا خاااايبة و راهو تغفيص الي نشوفو فيه و راهو شي يحشم المستوى هذاك
ضاهرلي كلام عادي
ولا نعملو كي عبد الرحمان العش الكورة عند مالي تمخض فينا يمين يسار
و هو يعيط ممتاااااز المنتخب التونسي
ممتتااااااز نعيم السليتي
ممتاااازة التمريرة
يتفرج في ماتش وحدو و عامل نموسة و شايخ صحة ليه
حتى مرتي قاتلي لاباس السيد هذا ماهوش ضارب في راسو

على كل نشالله ديما فرحانين

Dernière modification par neder bachbaoueb (01-04-2022 10:51)

neder bachbaoueb · 01-04-2022 10:50

chdoulla a écrit :

رايك في طريقة لعب المنتخب يهمنا
رايك في ما تحبش المنتخب ما حاجتناش باش نعرفوه و ما عندكش الحق تعبر عليه في الفوروم و خاصة في المساحة هذي
ما تحبش الترجي ما عندكش الحق تجي للفوروم و تعبر على مشاعرك.. المنتخب كيف كيف
سياسة خالف تعرف و أكتفي باش ما نغلطش معا عباد لا طالما إحترمت تحاليلهم في الكورة

و ساضل احترمك صديقي

neder bachbaoueb

Bechir Toualbia · 01-04-2022 12:10

tarajjidawla a écrit :

على 180د كنا خير من المنافس و لعبنا بذكاء في مالي و عملنا إلي لازم يتعمل في تونس
المردود خايب موش مشكل ، المهم في نوفمبر ماشين لقطر و باش نشيخوا و الجمهور التونسي باش يعمل القهر كبف العادة و نلعبوا مقابلاتنا تقول في تونس و إن شاء الله بالجمهور و الدزان متاعوا نعملوا كيف ما عملنا في البطولة العربية إلي كورنا فيها ملبح و شخنا و عملنا جو كبير
اليوم لا فمة نيجيريا لا مصر لا الجزائر أما تونس ديما موجودة رغم الفقر و قلت الموارد، لا ملاعب، لا تشجيع، لا تكوين ، لا نقل تلفزي، لا دعم لا والوا و تونس ديما موجودة و ديما مضيقتها عليهم الكل في إفريقيا و باش يموتوا راهم باش يموتوا
❤️❤️❤️

personnellemnt j'étais neutre en voyant le match retour ,qu'on se qualifie ou pas ,j'ai meme espéré qu'on se qualifie pas et je suis certain que si on ne s'est pas qualifié ça serait une grande déception .et je crois que la majorité de ceux qui critiquent sont presque comme moi .ne pas aimer cette équipe nationale c'est ne pas apprécier cette version ce n'est pas haïr la tunisie .mais ça ma rappelle une fois une refugiée en france a l'ère ben ali a dit :
تونس وطننا ،نسبه و نحبه
---
الحمد لله على الترشح

Bechir Toualbia, Bechir Toualbia

tarajjidawla · 01-04-2022 15:04

chdoulla a écrit :

رايك في طريقة لعب المنتخب يهمنا
رايك في ما تحبش المنتخب ما حاجتناش باش نعرفوه و ما عندكش الحق تعبر عليه في الفوروم و خاصة في المساحة هذي
ما تحبش الترجي ما عندكش الحق تجي للفوروم و تعبر على مشاعرك.. المنتخب كيف كيف
سياسة خالف تعرف و أكتفي باش ما نغلطش معا عباد لا طالما إحترمت تحاليلهم في الكورة

هذا هو بالضبط إلي حبيت نوصلوا
تجي في روبريك تحكي على المنتخب أحكيلنا فنيا و تكتيكيا نسمعوك و حتى كانك زنطور و تجي في روبريك تحكي على الترجي في الفوروم متاعنا نسمعوك و نقدروا فكرتك

اما تجينا في فوروم الترجي باش تسب الترجي و تقول ما نحبش الترجي و ما يمثلنيش ما نحترموش و ما فماش علاش جاي و كيف كيف تجي في روبريك متاع المنخب و تقول ما نحبوش و ما يمثلنيش مانيش فاهم علاش و ٱش باش يزيدنا التدخل متاعك و بكل صراحة و بلاش تعسف اما ماهوش مقبول و نسكروا الموضوع لا يكبر كيف العادة و احنا ما سدقنا سكرناه

tarajjidawla · 01-04-2022 15:14

Bechir Toualbia a écrit :

personnellemnt j'étais neutre en voyant le match retour ,qu'on se qualifie ou pas ,j'ai meme espéré qu'on se qualifie pas et je suis certain que si on ne s'est pas qualifié ça serait une grande déception .et je crois que la majorité de ceux qui critiquent sont presque comme moi .ne pas aimer cette équipe nationale c'est ne pas apprécier cette version ce n'est pas haïr la tunisie .mais ça ma rappelle une fois une refugiée en france a l'ère ben ali a dit :
تونس وطننا ،نسبه و نحبه
---
الحمد لله على الترشح

سي بشير ديما نقدرك و نحترمك و نحترم الرأي متاعك اما صدقني المرة هاذي كلامك ضهرلي متذبذب و ما فهمتش منوا حتى شيء

فهمني شنية الإضلفة إلي جابها الكلام متاعك؟
علاقتك الشخصية مع المنتخب التونسي احنا ٱش باش يزيدنا في الفوروم و في الروبريك هاذي؟

تقنيا و فنيا كلامك نسمعوه اما علاقتك الشخصية مع درابوا تونس أمورك الشخصية و ما عندناش علاقة بيها

مع إحتراماتي

tarajjidawla

Kjlaiel · 03-04-2022 21:48

عمر الرقيق يلعب اساسي مع اشبيلية ، تحسو ملاعبي كاسح ، يجي معانا و نعطيو معلول لمصر ، نربحو في معلول اجر

Kjlaiel

Moky · 04-04-2022 04:54

Kjlaiel a écrit :

عمر الرقيق يلعب اساسي مع اشبيلية ، تحسو ملاعبي كاسح ، يجي معانا و نعطيو معلول لمصر ، نربحو في معلول اجر

تقصد خوه كريم الرقيق!! في بالي بيه اكسيال وزيد لعب اربعة اطراح مع هولاندا! صعيب ياسر دوسيه خاتر القانون متع الفيفا مايسمحش وفي بالي يحبو يعملو بروبوزيسيون بش ينقحوه الجامعة متاعنا.

ESTfan · 28-04-2022 17:01

La Tunisie au Tournoi du Japon :

Demi-finales :

Tunisie - Chili
Japon - Ghana

ESTfan · 28-04-2022 17:19

برنامج مقابلات المنتخب التونسي خلال شهر جوان 2022

بالتنسيق مع الاطار الفني لمنتخب الأكابر ، تمت الموافقة على مقترح الجامعة اليابانية لكرة القدم كي يشارك المنتخب الوطني التونسي في الدورة الدولية الودية التي سوف تنظم في اليابان انطلاقا من 7 الى 14 جوان 2022 وذلك بمشاركة منتخبات تونس و اليابان و الشيلي و غانا .

و ستجرى عملية القرعة عن بعد ليلعب كل منتخب مع إحدى الفرق الأخرى يوم 10 جوان 2022 في شكل مباراة نصف نهائية على أن يكون الدور النهائي والمقابلة الترتيبية يوم 14 جوان 2022 .

و بالإضافة الى الدورة الدولية المشار اليها أعلاه ، فإن المنتخب التونسي سيخوض خلال الأسبوع الأول من شهر جوان المقبل مقابلتين رسميتين في إطار تصفيات كاس افريقيا 2023 وذلك ضد كل من غينيا الاستوائية بتونس لحساب الجولة الأولى ، وضد منتخب بوتسوانا في بوتسوانا بالذات في إطار الجولة الثانية من هذه التصفيات.

هذا، وستتولى الجامعة لاحقا نشر مواعيد هاتين المقابلتين إبان تعيينها بشكل رسمي من قبل الاتحاد الافريقي لكرة القدم .

FTF

ESTfan · 28-04-2022 17:20

المنتخب الوطني يواجه الشيلي في نصف نهائي دورة اليابان الدولية

جرت صباح اليوم في اليابان، قرعة الدورة الدولية الودية التي ستحتضنها اليابان في شهر جوان القادم، و قد أسفرت على ما يلي :

- يوم 10 جوان: نصف النهائي

• تونس ـ الشيلي
• اليابان ـ غانا

- يوم 14 جوان

• اللقاء الترتيبي
• الدور النهائي

FTF

ESTfan

Beb Swika · 26-05-2022 21:43

قائمة اللاعبين المدعويين :

حراس مرمى / بشير بن سعيد - ايمن دحمان - صدقي الدبشي - الياس الدامرجي

في الدفاع / منتصر الطالبي - بلال العيفة - نادر الغندري - علاء غرام - محمد دراغر - ادم بالامين - علي معلول - علي العابدي - رامي كعيب
في وسط الميدان / غيلان الشعلالي - عيسى العيدوني - فرجاني ساسي - محمد علي بن رمضان - حنبعل المجبري - انيس بن سليمان - معتز الزمزمي

في الهجوم / يوسف المساكني - نعيم السليتي - فراس بلعربي - الياس العاشوري - طه ياسين الخنيسي - عصام الجبالي - سيف الجزيري

Wlid'ha 01 · 06-06-2022 14:27

أعلنت الجامعة التونسية لكرة القدم اليوم الإثنين 06 جوان 2022، عن قائمة المنتخب الوطني والتي ضمت 24 لاعبا للسفر إلى اليابان للمشاركة في دورة دولية ودية.

وعرفت القائمة دعوة متوسط الميدان النجم الساحلي معتز زدام مقابل استبعاد اللاعب معتز الزمزمي لأسباب تأديبية.

ويذكر أن منتخب نسور قرطاج يخوض دورة دولية ودية في اليابان بمشاركات منتخبات اليابان، الشيلي وغانا في إطار التحضيرات لنهائيات كأس العالم والتي ستقام في قطر خلال شهر نوفمبر القادم

abdou-ESTunis · 03-11-2022 20:36

Selon plusieurs echos, Debchi ne serait pas convoqué pour la CDM au contraire de Meriah.
Moez Hassen et Balbouli seraient du Voyage avec Ben Saied et Dahmen.
Bronn out, retour de Kechrida, Haddadi et Bguir.

neder bachbaoueb · 03-11-2022 21:15

abdou-ESTunis a écrit :

Selon plusieurs echos, Debchi ne serait pas convoqué pour la CDM au contraire de Meriah.
Moez Hassen et Balbouli seraient du Voyage avec Ben Saied et Dahmen.
Bronn out, retour de Kechrida, Haddadi et Bguir.

Forza Danemark
Allez les bleus
Vamos Peru

neder bachbaoueb, neder bachbaoueb

Capello1983 · 03-11-2022 21:19

abdou-ESTunis a écrit :

Selon plusieurs echos, Debchi ne serait pas convoqué pour la CDM au contraire de Meriah.
Moez Hassen et Balbouli seraient du Voyage avec Ben Saied et Dahmen.
Bronn out, retour de Kechrida, Haddadi et Bguir.

Effectivement, c'est ce qu'a confirmé Guerfala sur IFM.
De toutes les façons le vrai enjeu est par rapport à la dotation de la FIFA pour les joueurs convoqués.
On aura 3 joueurs dans la liste et ça fait une belle somme.
Pour l' EN, on y sera pour limiter la casse et pour la belle ambiance.
Balbouli et Moez Hssan convoqués pour donner à manger à leurs équipes en faillite.

Capello1983

#551 01-04-2022 00:55

Re : Les nouvelles de l'EN : stages, effectif, infirmerie, etc.

#552 01-04-2022 01:03

Re : Les nouvelles de l'EN : stages, effectif, infirmerie, etc.

#553 01-04-2022 01:13

Re : Les nouvelles de l'EN : stages, effectif, infirmerie, etc.

#554 01-04-2022 01:24

Re : Les nouvelles de l'EN : stages, effectif, infirmerie, etc.

#555 01-04-2022 01:33

Re : Les nouvelles de l'EN : stages, effectif, infirmerie, etc.

#556 01-04-2022 01:37

Re : Les nouvelles de l'EN : stages, effectif, infirmerie, etc.

#557 01-04-2022 09:00

Re : Les nouvelles de l'EN : stages, effectif, infirmerie, etc.

#558 01-04-2022 09:55

Re : Les nouvelles de l'EN : stages, effectif, infirmerie, etc.

#559 01-04-2022 10:10

Re : Les nouvelles de l'EN : stages, effectif, infirmerie, etc.

#560 01-04-2022 10:41

Re : Les nouvelles de l'EN : stages, effectif, infirmerie, etc.

#561 01-04-2022 10:50

Re : Les nouvelles de l'EN : stages, effectif, infirmerie, etc.

#562 01-04-2022 10:50

Re : Les nouvelles de l'EN : stages, effectif, infirmerie, etc.

#563 01-04-2022 12:10

Re : Les nouvelles de l'EN : stages, effectif, infirmerie, etc.

#564 01-04-2022 15:04

Re : Les nouvelles de l'EN : stages, effectif, infirmerie, etc.

#565 01-04-2022 15:14

Re : Les nouvelles de l'EN : stages, effectif, infirmerie, etc.

#566 03-04-2022 21:48

Re : Les nouvelles de l'EN : stages, effectif, infirmerie, etc.

#567 04-04-2022 04:54

Re : Les nouvelles de l'EN : stages, effectif, infirmerie, etc.

#568 28-04-2022 17:01

Re : Les nouvelles de l'EN : stages, effectif, infirmerie, etc.

#569 28-04-2022 17:19

Re : Les nouvelles de l'EN : stages, effectif, infirmerie, etc.

#570 28-04-2022 17:20

Re : Les nouvelles de l'EN : stages, effectif, infirmerie, etc.

#571 26-05-2022 21:43

Re : Les nouvelles de l'EN : stages, effectif, infirmerie, etc.

#572 06-06-2022 14:27

Re : Les nouvelles de l'EN : stages, effectif, infirmerie, etc.

#573 03-11-2022 20:36

Re : Les nouvelles de l'EN : stages, effectif, infirmerie, etc.

#574 03-11-2022 21:15

Re : Les nouvelles de l'EN : stages, effectif, infirmerie, etc.

#575 03-11-2022 21:19

Re : Les nouvelles de l'EN : stages, effectif, infirmerie, etc.

Pied de page des forums