Le BD de l'Espérance : nouvelles, critiques et suggestions

neder bachbaoueb · 22-07-2024 21:35

mestiri67 a écrit :

Franchement vu les challenges qui nous attendent la saison prochaine je trouve les prix assez abordables … maintenant si on veut critiquer pour critiquer je ne suis pas « in »

Abordables pour une minorité Rabbi yzidhom
Mais pour la majorité c est trop gonflée l augmentation

Mais bon c pas si grave que ça

أولنا صغار و عقابنا صغار و لذا نرجعو فيراج كيما بدينا
أول ابونمون لتوا عندي سنة 2000
وقتها كان صدقني ربي ب 40 د

Dernière modification par neder bachbaoueb (22-07-2024 21:39)

neder bachbaoueb

makachah f dem · 22-07-2024 21:42

neder bachbaoueb a écrit :

Abordables pour une minorité Rabbi yzidhom
Mais pour la majorité c est trop gonflée l augmentation
Mais bon c pas si grave que ça
أولنا صغار و عقابنا صغار و لذا نرجعو virage

نادر ماتتساش سنة عندك عدد مباريات اكثر 15 مبارة بركة بطولة
السنة هنا تحسنا في توقيت هبطو بكري اشتراكات عام جاي نعملو تخفيض هعهع

mestiri67 · 22-07-2024 21:45

neder bachbaoueb a écrit :

Abordables pour une minorité Rabbi yzidhom
Mais pour la majorité c est trop gonflée l augmentation
Mais bon c pas si grave que ça
أولنا صغار و عقابنا صغار و لذا نرجعو فيراج كيما بدينا
أول ابونمون لتوا عندي سنة 2000
وقتها كان صدقني ربي ب 40 د

الفيراج 180 و البلوز 200
صراحة اسعار في المتناول … ما عندي حتى فكرة (و ما عينيش بش نلوج) قداش العام الي فات …

العام هذا لعبنا 7 مباريات افريقية
و لعبنا 5 مباريات بلاي اوف و 7 مباريات مرحلة اولى يعني 19 مبارات … او عشرة دينارات المباراة

mestiri67

makachah f dem · 22-07-2024 21:46

فرحة كاردوزو بلقاء رءيس نادي ليوم في تما ربن تعادل فرحته برفع اللقب موسم فارط هعهع

mestiri67 · 22-07-2024 21:47

makachah f dem a écrit :

فرحة كاردوزو بلقاء رءيس نادي ليوم في تما ربن تعادل فرحته برفع اللقب موسم فارط هعهع

Je crois qu’il est vraiment sincère ce monsieur

mestiri67, mestiri67, mestiri67, mestiri67

makachah f dem · 22-07-2024 21:51

mestiri67 a écrit :

Je crois qu’il est vraiment sincère ce monsieur

Sans aucun doute

neder bachbaoueb · 22-07-2024 21:58

mestiri67 a écrit :

الفيراج 180 و البلوز 200
صراحة اسعار في المتناول … ما عندي حتى فكرة (و ما عينيش بش نلوج) قداش العام الي فات …
العام هذا لعبنا 7 مباريات افريقية
و لعبنا 5 مباريات بلاي اوف و 7 مباريات مرحلة اولى يعني 19 مبارات … او عشرة دينارات المباراة

معقول كلامك خويا مستيري
ماني انا نخمم في الاونسانت الىوطا بصراحة سومها هرب ياسر
و لذا نرجعو منين بدينا فيراج حي ترجي ديما لاباس

mestiri67 · 22-07-2024 22:08

neder bachbaoueb a écrit :

معقول كلامك خويا مستيري
ماني انا نخمم في الاونسانت الىوطا بصراحة سومها هرب ياسر
و لذا نرجعو منين بدينا فيراج حي ترجي ديما لاباس

احسن بلاصة في الستاد البلوز … معظم الوقت فارغ
العام الي فات الماتشات الكل عديتهم واقف خاطر ثمة برشة برشة برشة ناس زايدة ترصي الناس واقفة …

neder bachbaoueb · 22-07-2024 22:15

mestiri67 a écrit :

احسن بلاصة في الستاد البلوز … معظم الوقت فارغ
العام الي فات الماتشات الكل عديتهم واقف خاطر ثمة برشة برشة برشة ناس زايدة ترصي الناس واقفة …

بيلوز باهية لكن مقابلة الشمس
تي المهم فيراج بيلوز اونسانت الفوق لباس
احنا نعملو الي علينا و ان شاء الله هوما يعملولنا فريق في قيمة النادي و في قيمة الاستحقاقات الي تستنا فينا

mestiri67 · 22-07-2024 22:16

neder bachbaoueb a écrit :

بيلوز باهية لكن مقابلة الشمس
تي المهم فيراج بيلوز اونسانت الفوق لباس
احنا نعملو الي علينا و ان شاء الله هوما يعملولنا فريق في قيمة النادي و في قيمة الاستحقاقات الي تستنا فينا

تي نحكي خاطر قاعد نخمم نقص بيلوز ههههه
Tellement
تعذبت بالوقوف السنى هههههه

tarajjidawla · 23-07-2024 01:26

mestiri67 a écrit :

الفيراج 180 و البلوز 200
صراحة اسعار في المتناول … ما عندي حتى فكرة (و ما عينيش بش نلوج) قداش العام الي فات …
العام هذا لعبنا 7 مباريات افريقية
و لعبنا 5 مباريات بلاي اوف و 7 مباريات مرحلة اولى يعني 19 مبارات … او عشرة دينارات المباراة

بزيادة 30د على الموسم إلي فات
زيادة ال100د للأنسانت و التريبون أما 75% من التذاكل تزادة كان 30د يعني على 30 مبارات عبارة 1.5د كل مبارات
حق باكوا كاكي

tarajjidawla · 23-07-2024 01:28

mestiri67 a écrit :

Je crois qu’il est vraiment sincère ce monsieur

أكثر حاجة عاجبني فيه، وليدها، يحب الجمعية و يحب الجمهور بالرغم إلي فنيا مانيش مقتنع بيه و لا بالخدمة متاعوا أما يحبب الناس فيه

neder bachbaoueb · 23-07-2024 06:30

موش مقتنع بالخدمة متاعو صاحبنا الي عمرو ما تفرج في حصة تمارين متاعو
و حتى كان تفرج نقسملكم بالله لا ينجم يقيم تمرين واحد موش خدمة
خونا الي يقول على روحو مانيش مؤهل باش نحكم على خدمة معين
خاطرني مانيش تقني في عام ولا مؤهل يقيم خدمة ممرن من غير ما يشوفو كيفاش يخدم
(تطور كبير ما شاء الله)

يا إما خالط ناس دمادم في ستة شهور علموه الكرة ولا يشوف روحو مؤهل

يا إما عمل
Des cours accélerés
يا اما حفظ بعض الجمل يعاود فيهم و يحط فيهم كيما جاء

فيبالو ال"خدمة" متاع الممرن تتقيم بحطان بوكيا يمين او يسار و ساس يمين او وسط ميدان

داك خونا الي كرة كاردوزو ما تقنعوش لكن كرة معين تقنعو
برشة
يا سبحان الله

و هو راهو باش نبداو واضحين لا يعرف يقيم لا شي هو اصلا موش عاجبو كاردوزو خاطر نادر شكرو
و يحب معين خاطر نادر انتقدو
لا و زيد سي حمدي في حركة متاع عناد مع الجمهور الي فد من كرة معين و طالب خروجو قال معين راهو باهي
و خونا ماكم تعرفوه ما يكسرش كلمة سيدنا
مادام حمدي قال باهي راهو باهي

فنيا يا غالي فما فرق كبير بين خدمة و طريقة لعب
الخدمة في التمارين حاجة و الفلسفة الكروية حاجة
الممرن يقيم على 3 حاجات

1-
طريقة العمل في التمارين

2-
التصرف في الرصيد البشري

3-
التصرف اثناء المباراة
Gestion du match

فوزي مثلا قوتو تكمن في النقطة الاولى
خدمتو رهيبة في التمارين
مشكلتو النقطة الثالثة يتخمر و ما يجاريش مقابلتو بذكاء و مع ذلك هو افضل ممرن تونسي لكل الاوقات

لانو الخدمة هي الي تجيب و كيما نقولو الدوام ينقب الرخام

فما الي الحصة متاعو خفييفة و تاعبة و لكن يتعامل مليح مع المجموعة
النوعية هذي متاع المدربين تنجح ضرفيا لكن سرعان ما ينكشف مستواهم في اداء اللاعبين و معين مثال للنوعية هذي

الجعايدي عندو خدمة ممتازة و قراءة مقابلت ممتازة برشة
Souplesse tactique
لكن خانو تعبيرو ما يعرفش يتصرف مع المجموعة

تي حتى عالميا للي يتبع البرا
قْوارديولا افضل مدرب في العالم
خدمتو رهيبة و طريقة تعاملو مع المجموعة غير عادي لكنو في المباريات الكبيرة تخذلو طريقة تعاملو مع الماتش و هذي النقطة الي يتفوّق فيها انشيلوتي

نرجعو لكاردوزو اهم نقطة عندو هي طريقة خدمتو و مواكبتها للتطور الرياضي
و خونا الي ماتش كورة ما يتفرجش فيه ختى تبدا الترجي تلعب تلقاه غاطس في تليفونو
قالك خدمتو ماهيش عاجبتو

Serieusement et techniquement parlant
On peut critiquer sa façon de jouer ,son style defensif mais critiquer son travail (خدمتو) sans que tchouf (خدمتو)

Sa devient troooooop subbjectif
و مشلقة برشة كيما قال خونا
abdou-es-tunis

neder bachbaoueb · 23-07-2024 09:52

و مازلت انتي
البارة العالية و العينين المرشوقة في السماء و ثقافة الانتصارات لي رسختها في جمعيتك و فرضتها و مازلت انت العمود الفقري و مش حدّ آخر …
جمهور الترجي ابونمونات بالآلاف تنقلات للتاريخ في مشارق الأرض و مغاربها و جاكم كاس العالم في امريكيا تتويج للي عملو جمهور الدم و الذهب قدام العالم و العرب !

جمهور وين يشوف جمعيتو غالطة في
الثنيّة يصلّحلها السكّة…
سبتمبر 2018
جمعية منهارة بدنيا نفسيا و تكتيكيا وقتلي وقفلها جمهورها في ستة شهر تربعت على عرش القارّة مرتين …
جمهور خلّى جمعيتو مستقرّة بالخط لي سطّرو بش ما تطيحش تحتو ! احنا ما نهزوش تيتر ما نبحروش في الصيف
!
المدرّب الأجنبي لي وصّلها فينال اتكى عالجمهور كي جا و كي كمل ! فرضو جمهور الترجي و قالها بالفم المليان ما فماش حتى بلاصة لتونسي على رأس الاطار الفني و مش دينم خلي الادارة تخدم!!!
خاطر خدمت بالغالط مرة و ثنين و 100 مع التحفظ على كلمة ادارة و بيرو لأنو الكلنا نعرفو انو الي قاعد يقرر في كل شي هو شخص و ليس إدارة

جمهور عزيز و غالي صلّح ثنية جمعيتو لي كانت شاڤة الخلا بمدربين هواة!
و بعناد كبير من صاحب القرار

الجمهور لي قال كلمتو و قص 17 الف أبونمون

الالضغط لي قلقتو منو و البارة العالية و niveau d’exigence
لي قلّق راحة معاليكم الايامات هاذي عالمركاتو هو الاكسجين لي خلى الجمعية هاذي تعيش عالبوديوم ! هو ارأس المال الحقيقي في زمن سوء تصرفكم في اموال النادي بتعلّة شعار انا ما نبيعش …

جمهور الترجّي اليوم قدام امتحان جديد ناجح فيه قبل ما يبدى
الاشتراك واجب علينا مهما كان سومو دون الخوض في التفاصيل بطبيعتنا نصرفو عالترجي و ما عناش حتى مزيّة و موش بش نقولولها عطيناك فلوسنا هاذيكة ممو العين قد ما تعطيها و شوية
… الترجي برجالها من بنزرت لبرج الخضرا قدام هدف هو كسر رقمنا القياسي لي هو 17800 عام 2009
هذا كلام نوجهو لكل واحد يحس روحو من الجمهور الي حكيت عليه

و تحية خاصة لخلية أحباء الترجي بالغرفة الزرقاء

ترجي يا دولة

Dernière modification par neder bachbaoueb (23-07-2024 10:02)

tarajjidawla · 23-07-2024 10:25

مانيش باش نجاوب على الإستفزازات نعرف هذاكا جوك و تحير بيه في إسمك باش نجاوب على 3 نقاط متاعك

1-
طريقة العمل في التمارين

كيف ما فمة حتى تحسن لا في الكراة الثابتة, لا في الٱداء الهجومي و ما فمة حتى ملاعبي بخلاف حارس المرمى (على خاطر موش من مشمولاتوا) تحسن يعني الخدمة ما جابتش مفعولها و الملاعبية الكل الٱداء متاعها وخر

2-
التصرف في الرصيد البشري

التصرف في الرصيد البشري كارثي للغاية
كان ينجم يعطي اكثر اطراح لعماموا و نربحوا بلاصة متاع أجنبي و ما نخسروش مدافع محوري تونسي و مازال صغير و مازل يعطي
ضحى ب2 اجنحة يمين غشة و بوكيا على خاطر لازم يلعب ساس على اليمين مهما كانت الضروف تقول حافض موش قاري
ضحى بالزدام على خاطر العايب
ضحى بأوماروا على خاطر بوكيا و في الأخير ما لعبش
معاه هو بوڨرة ولا شبح، الساحلي ما لعب حتى مقابلة، بن حمودة ولا شبح و الليستة مازالت طويلة

3-
التصرف اثناء المباراة
Gestion du match

هاذي عاد قالتلهم اسكتوا و بشهادة الجميع
تغييراتوا الكل غالطين
في النهائي كان جاء تونسي عمل التغييرات إلي عملهم هو راهوا قعد في مصر و ما روحش
كل ماتش يخرج تقا احسن لاعب و يخلي الناس الكل باهتة و نفس التغيير 70د العايب مكان غيلان
لا تغيير ملاعبية، لا تغيير خطة لا والوا ماهوا قلتلكم حافض موش فاهم

هاني جاوبت على النقاط بدون إستفزاز و لا شخصنة و لا جبدت العباد و حكيت على روحي باش نشفي النرجسية متاعي

حبيت على نقاش راقي إن شاء الله تكون راقي و تكون قد الكلام متاعك

أي إستفزازات مانيش باش نرجع عليها و صدقني نقرى و نضحك حتى شيء ماهوا باش يغششني

neder bachbaoueb · 23-07-2024 10:52

باهي هاني باش نحاول نتجاوب معاك بأسلوب راقي
و ان شاء اللله بالحجة

1-
طريقة العمل في التمارين ما تنجم تحكم عليها الا ما تشوف التمارين هذي قاعدة
الي حكيتو انت استنتاجاتك الخاصة و فيها الصحيح و فيها الغالط
الصحيح انو بالحق الجانب الهجومي ما تحسنش برشة و صحيح انو برشة لاعبين ما تقدموش و هذا كيما ينجم تقصير من المدرب كيما تقصير من اللاعب في حد ذاتو
و بما اني حطيتها في خانة كلامك الصحيح برا نقولو تقصير من المدرب

الغالط انو كي نحكيو هكة نكونو ظلمنا ياسر الراجل و انا نعرفك تكره
L ingratitude
لأنو فما تناسي كبير كيفاش خذا كاردوزو الجمعية بعد بطالة مروية و بعد نبيل و معين و طارق و الازمة الي كنا فيها
خذا جمعية تموت بالفرحة خاطر ترشحت الثانية في بطولة مقْملة بهدية من صفاقس الي ربحت مستير في آخر جولة
و بمردود اكثر من كارثي و انت ما كنتش تنتقد الامور الفنية بحجة انك ماكش تقني و ماكش مؤهل
هذا كلامك ما زدتش عليك يعني موش استفزاز

نرجعو للفكرة العامة باش ما نطولوهاش

شوف انا راني محب للترجي لا نحب كاردوزو لا معين لا حمدي
الكلها اشخاص نغنيو باسمها في الفرحة و ننتقدوها في الغلط
و كان قريت عمناول انا ما كنتش راضي تمام الرضا على كرة كاردوزو

نرجع مرة اخرى للفكرة الرئيسية
كاردوزو خذا جمعية بدون هوية لا دفاعيا
و نذكرك بماتش الاهلي في رادس متاع نبيل
3-0
فضيحة تكتيكية و فريق منهار تماما
و بدون هوية هجومية و هوني نفكرك بمقابلات معين من نهائي كاس باجة الى دربي 0 فرصة و صفر تمريرتين ورا بعضهم الى ما سبق اقصاؤو بجمعة

اول ما خذا الفريق
في وقت قياسي عمل
Ossature defensive
عالمية و ولينا نحكيو على فريق كاسح لتالي و بالشوية بالشوية بدا يشوف و يجرب و ورا حاجات ممتازة كيما حكية الخدمة بين ساس و تقا و ورا حاجات خايبة كيما الريتم في ال30 ميترو الاخيرة قعد بطيئ
بالنسبة للتغييرات اثناء اللقاء فما ما يتقال
و مانيش متوافق معاه في برشة حاجات و ما عنديش
Icone
و ما عنديش موالاة في الكورة

لكن كي نشوف وين كنا و وين صبحنا من ترجي
نبيل معين طارق من فريق كان على مشارف ازمة نلقا فريق بطل ووصيف القارة بصلابة دفاعية فقط

نقول السيد هذا كان نعملو مركاتو باهي ننجم نحكم عليه

يعني لو نوفرلو مركاتو باهي و نعمل اهداف موسم و نلقاه ما نجحش انا اول واحد باش نقول يزي من كاردوزو اما لا نقول رجع معين لا رجع نبيل
باش نمشي نلوج مدرب يخدم بآليات عصريودة و مواكب التطور الكروي

نجيك لاهم فكرة و هي انو الحديث على كاردوزو او بالاحرى التركيز على كاردوزو في فترة تعتبر استراتيجية كيما توة نحسو كيما حسوه برشة اخرين
Parachoc
لتغطية أخطاء ادارية اكثر اهمية و عندها اكثر
Impact
عالفريق

في الاخير لاني انا جبتو كاردوزو لاني انا خليتو
الي جايو حمدي و الي خلاه حمدي

سؤالي المباشر
انت في بلاصة حمدي شتعمل
1-
تنحي كاردوزو
2-
تدعم الفريق لكاردوزو و تخليه يخدم
3-
و كان تنحي كاردوزو شكون تجيب

4-عاجبتك سياسة حمدي التسييرية التسويقية الاتصالية المنهجية؟؟
5-
انتظاراتك من المركاتو

tarajjidawla · 23-07-2024 11:54

اولا كيف تطرح 3 أسئلة و انا جاوبتم عليهم ال3 لازم تجاوبني عليهم ال3 موش تجاوب على تحب و ما تجاوبش على تحب

ثانيا شفت ما تنجمش تخرج من الشخصنة و لازم ترجع تحكي على روحك و الأشخاص مع العلم إني في الجواب متاعي ما جبتش لا على روحي لا على الأشخاص

ميسالش في إنتصار بقية الأجوبة باش نجاوبك على ال5 أسئلة متاعك الجدد

1/
انا من نصلحت النادي ما أنجمش إنحي كردوزوا و لاكن إنجم إنحي الكارت بلانش و ما نخليهش يتحكم في مستقبل النادي و مستقبل الملاعبية الصغار إلي غدوة إنجموا نخسروهم و يخرج ملاعبية ما عندناش خير منهم في البطولة متاعنا و نفرض عليه يركز اكثر وقت و اكثر خدمة و كان لزم بعد الوقت للملاعبية الصغار إلي ممكن ينفعونا في المستقبل

2/
أكيد ندعم الفريق للممرن و نخليه يخدم على خاطر الموسم هذا هو إلي باش يوري الخدمة متاع المدرب و كان باش ينجح و إلا لا و لاكن ندعم الفريق حسب حاجياتي و حاجياتوا موش حاجياتوا هو برك و بعد كيف يخرج نلقى فريق بتفكير دفاعي بحت و بلاش حتى تفكير هجومي
بربي نحب نحل قوس على حكاية الصلابة الدفاعية، الكذبة إلي صدقناها و هيا ماهيش صحيحة، نذكر الجميع إلي الترجي الموسم إلي فات ثاني اضعف دفاع في البلاي أوف بعد الزنطور ب7 أهداف مقبولة يعني الصلابة شفناها كان في رابطة الأبطال كيف نلعبوا دفاعيا و في البطولة كيف نحبوا نهاجموا نلقاو رواحنا دفاعيا ماناش حاضرين و ناكلوا أهداف و أحنا في عدم توازن، نسكروا القوس موش هذا الجواب على السؤال

3/
ما إنحيش كردوزوا أما لازم بعرف شكون هيا الترجي و شنية الهوية متاعوا و إلي أحنا ما نلعبوش دفاع و مقابلة كاملة ما نجيبوش ركنية و كيف نمركيوا نوخروا و كان ما ينجمش يتأقلم مع طابع الترجي وقتها نجيب مدرب بطابع هجومي ، عندي الإسم أما موش المكان و لا الزمان ، كيف يجي وقتوا نحكيوا عليه

4/
كيف ننقد إختيارات سي حمدي هو نقد ليه بما انوا هو المسؤول الأول على الجمعية
أنت تحكي على فريق كرة القدم على الخاطر في الفروع الأخرى النجاح باهر و كل شيء ماشي 5/5 يعني ما تنجمش تكون الخدمة الكل غالطة و المنهجية الكل غالطة و في موضوع التسويق هو إختار باش تكون شريكتوا المستشهر الوحيد و هو كل عام قاعد يزيد من مكتوبوا باش يعوض و نأكدلك إلي العروض إلي جاتنا قبل ماهيش في قيمة الترجي و 5 ملبون دينار بفرحوا ببهم الزنطور موش الترجي و حمدي المدب. اليوم كيف يجي مستثمر يحط رقم كبير و في قيمة النادي أول واحد يفرح و يسل روحوا هو سي حمدي ما تخافش هذاكا اليوم المنتضر

5/

بالنسبة للمركاتوا انا قلتها و باش نعاودها

حمزة الجلاصي: قلب دفاع و متوسط ميدان أحسن واحد في التوانسا بعد ما خسرنا عماموا و اكثر واحد عندوا خبرة إفريقية وقوي برشى في الكراة الثابتة و هداف (8 اهداف في 30 مبارات الموسم إلي فات)

بن حميدة : لازم يرجع على خاطر بن محمد مستحيل يعمل 30 ماتش الموسم الجاي و هذا أكيد و لازم ضهير عندوا خبرة أفريقية و ولد جمعية و قائد فريق
و ٱخر لاعب عندوا الٱ.د.ن متاع الترجي

زدام : لازم يرجع نهار 1 أوت بكل الطرق و نصلحوا الغلطة إلي صارت

بوقرة : ما لازمش يتباع و لازم نرجعوا نخدموا عليه و ترجعلوا الثيقة و لاعب ما ينجمش يولي بهيم ب6 أشهر مستحيل تدخل لمخ عاقل

كان لاحضت حتى لتوه عامل إنتداب واحد إلي هو الجلاصي و كيف و نزيدوا الإنتدابات إلي صارت متاع بن سعيد و بن محمد و العبدلي ولاو 4 يعني مازال عندنا 6

رودريقوا: حب يقعد مرحبا يكون احسن شيء ما حبش ناخذوا فيه الباكوا و نمشي نحطوا على قلب هجوم أجنبي و عندي 2 إختيارات يا الكنغولي الدبابة حر و لاعب كاريار كاملة في إنقلترا و إلا بوبكر تراوري نجيبوا من البطولة الليبية

جناح أيسر : يكون تونسي في الخارج كان موجود كانش نحط الباكوا على البلايلي بوه طماع و كيف نحط الباكوا (فلوس رودريقوا كان مشى و نزيد علبهم) و نجيب البلايلي مازال يعطي برشى للترجي

جناح أيمن: كان باش يحطوا على البنك و يلعب بساس موش لازم اجنبي نشوفوا احسن واحد في التوانسا إلي في الخارج

بالنسبة ليا يزي نخلي 2 بلايص للشتاء فماش تروشك

tarajjidawla · 23-07-2024 12:11

بربي سؤال ماذابية إجابة شفافة

كيف تنقد سي حمدي ياخي تحبوا يمشي؟ الجواب متاعك ديما كان لا نحبوا يتحسن مالا علاش أنا كيف ننقد كردوزا معناها نحبوا يمشي؟

كيف تنقد سي حمدي معناها تكرهوا؟ الإجابة متاعك ديما لا أما لمصلحت الجمعية مالا علاش انا كيف ننقد كردوزوا معناها نكرهوا و موش في مصلحة الجمعية؟

سي حمدي عندنا الحق ننقدوه بموضوعية و حتى بالإستهزاء و كردوزوا ممنوع من الإنتقاد حتى بموضوعية؟

neder bachbaoueb · 23-07-2024 12:22

اولا احنا هوني نحكيو على هيكلة فرع كرة القدم
يعني من غير ما نحكيو على الرياضات الاخرى
خاطر سبق و قلت علاش دليس دانون ناجحة و علاش كرة اليد ناجحة و علاش كرة الطائرة نوعا ما ناجحة و سبقت و قلت انو حمدي المدب قدامو مودال ناجح ما يحبش يطبقو في فرع كرة القدم

ثانيا مسألة الكارت بلانش انا زادة ضد انك تعطي الكارت بلانش لممرن و سبقت و حكيت فيه الموضوع وقت الي عطا الكارت بلانش لنبيل و نعرفو البقية
و حكاية الكارت بلانش تدخل في السياسة الغالطة لحمدي المدب في كرة القدم

لانو الكارت بلانش تتعطى لمدير رياضي و هو يتحاسب

يعني هوني متفاهمين لكنك حاشم باش تقول كيما قال نادر سابقا تحسها ما تقابلش الحكاية
موش مشكل المهم متفاهمين و عمري دافعت عالكارت بلانش
يعني نفس الفكرة

كي تقول نقدك لحمدي هو نقد لكاردوزو او العكس ملام الحق متاع ربي ما عندوش معنى

انا كي نحب ننقد نبيل معلول نسميه كيف كيف نبيل كيف كيف حمدي
لا تزر وازرة وزر أخرى

حمدي غالط كي عطا الكارت بلانش و كاردوزو غالط في التصرف في الكارت بلانش
لكن الخطأ استراتيجي بالأساس

هذا لو سلمنا بحكاية الكارت بلانش لانو المعلومات الي عندي
صاحب القرار في الامور الكل هو حمدي المدب

اخيرا كي نقول انا او نسمي روحي ما عندو حتى علاقة بالنرجسية الي تحكي عليها هو نقاش بين انا و انت
يعني باش تلقا برشة مرات انا و انت

هو نقاش بين فكرتي انا و فكرتك انت
ماناش نحكيو في حكيات علامية وقتها ننجم نقول اطراف و مجهول و كذا

حوار بين انا و انت اكثر كلمة باش نستعملها هي انا و انت

خلاصة القول كيما قال خونا
Tiso
الافكار موش بعيدة برشة لكن فما حساسية تخليك ترفض الفكرة كي يبدا مولاها فلان باش فلتان باش ما نقولش انا و نطيح في النرجسية
كان
فما اسألة
ما جاوبتش عليها راني نخاف من اني نطيح في تكرار الفكرة

بالنسبة للمركاتو و طريقتي في انتقاد الادارة انت تعرف الي هذاك اسلوبي
هو الظغط و كل صيف نعمل هكة و
نطلب و نطلب و نعلي في البارة و بعد ما يوفى المركاتو كن على يقين اني باش نقيمو موضوعيا و من غير تحامل على حتى حد

neder bachbaoueb · 23-07-2024 12:27

tarajjidawla a écrit :

بربي سؤال ماذابية إجابة شفافة
كيف تنقد سي حمدي ياخي تحبوا يمشي؟ الجواب متاعك ديما كان لا نحبوا يتحسن مالا علاش أنا كيف ننقد كردوزا معناها نحبوا يمشي؟
كيف تنقد سي حمدي معناها تكرهوا؟ الإجابة متاعك ديما لا أما لمصلحت الجمعية مالا علاش انا كيف ننقد كردوزوا معناها نكرهوا و موش في مصلحة الجمعية؟
سي حمدي عندنا الحق ننقدوه بموضوعية و حتى بالإستهزاء و كردوزوا ممنوع من الإنتقاد حتى بموضوعية؟

جواب واضح
لانو كاردوزو عندو ستة شهور في الترجي و انا قلوقي
كان يتمادى في اخطاء متكررة نقلك بدون حرج اي نحبو يمشي

حمدي المدب سنوات و هو يعمل بطريقة رعوانية باعتراف من اقرب المقربين
و نتصور ارتيكل ترجي ارشيف حكى على رعوانيات حمدي الكل

يعني انا نحبو يصلح لكني بالحق نقولها كان ما يحبش يصلح و ما يحبش يهز الترجي ل
Pallier superieur
فليغادر
و بالطبيعة كيف يغادر سوف اشكره على كل ما قدمه و سابقى على موقفي من طريقة تسييرو

خاطر نأمن و اكثر من الي تتصور انو الترجي بحوكمة متطورة راهي فريق اوروبي في افريقيا

و انا كي نشوف بنية تحتية و قاعة زواوي تقطر بالماء و بالحة من برا و ملاعب تخشم في الحديقة
ووو
ما نجمش نكون راضي و الاكثر من هذا ما ننجمش نسكت

neder bachbaoueb · 23-07-2024 12:44

نقطة فنية سامحوني ما ننجمش نعديها مرور الكرام
وهي الصلابة الدفاعية ماهيش كذبة و الرقم الي عطيتو ما يعني حتى شي
لانو
الاهداف الي نقبلو فيه اغلبها جات عن طريق اخطاء فردية اغلبها من ياسين مرياح
يعني اخطاء فردية ما تعكسش البلوك الي واقف صحيح

هذاك علاش باش نحللو دفاع او هجوم او وسط ميدان يلزم نتعلمو نتفرجو في الوقفة و هذا كلام مهم

راهو تنجم يكون عندك احسن هجوم عالارقام بركنيات او مخالفات مباشرة و انت عاجز عن الدخول بالكرة لل 18
الارقام تقول انت عندك هجوم ممتاز و كرويا انت عاجز

كيف كيف في الدفاع
تنجم تقبل اهداف فردية ما تعكسش صلابة البلوك و الوقفة الصحيحة
كيف كيف تنجم تكون قابل اهداف شوية نظرا لتعملق الحارس او لسوء تصرف المهاجم

الترجي متاع كاردوزو صعيب تخنقها و صعيب تجيب معاها فرص و تهنتلها

كان ما نعملوش ركاكة وحدنا

MOLAJILI · 23-07-2024 12:47

neder bachbaoueb

tarajjidawla

tbark Allah alikom BRAVO

MOLAJILI, MOLAJILI, MOLAJILI

abdou-ESTunis · 23-07-2024 12:58

neder bachbaoueb a écrit :

نقطة فنية سامحوني ما ننجمش نعديها مرور الكرام
وهي الصلابة الدفاعية ماهيش كذبة و الرقم الي عطيتو ما يعني حتى شي
لانو
الاهداف الي نقبلو فيه اغلبها جات عن طريق اخطاء فردية اغلبها من ياسين مرياح
يعني اخطاء فردية ما تعكسش البلوك الي واقف صحيح
هذاك علاش باش نحللو دفاع او هجوم او وسط ميدان يلزم نتعلمو نتفرجو في الوقفة و هذا كلام مهم
راهو تنجم يكون عندك احسن هجوم عالارقام بركنيات او مخالفات مباشرة و انت عاجز عن الدخول بالكرة لل 18
الارقام تقول انت عندك هجوم ممتاز و كرويا انت عاجز
كيف كيف في الدفاع
تنجم تقبل اهداف فردية ما تعكسش صلابة البلوك و الوقفة الصحيحة
كيف كيف تنجم تكون قابل اهداف شوية نظرا لتعملق الحارس او لسوء تصرف المهاجم
الترجي متاع كاردوزو صعيب تخنقها و صعيب تجيب معاها فرص و تهنتلها
كان ما نعملوش ركاكة وحدنا

J'allais dire la meme chose. Rares sont les fois ou on etait à la rue defensivement depuis la venu de Cardoso. 95% des buts encaissés sont sur des erreurs individuels du à un manque de concentration et/ou d'un trop plein de confiance. D'ailleurs en CL, la ou les joueurs sont au top de la concentration, on a encaissé un seul but sur CSC.

abdou-ESTunis

neder bachbaoueb · 23-07-2024 14:06

MOLAJILI a écrit :

neder bachbaoueb
tarajjidawla
tbark Allah alikom BRAVO

ربي يباركلك خويا

neder bachbaoueb

mestiri67 · 23-07-2024 14:26

abdou-ESTunis a écrit :

J'allais dire la meme chose. Rares sont les fois ou on etait à la rue defensivement depuis la venu de Cardoso. 95% des buts encaissés sont sur des erreurs individuels du à un manque de concentration et/ou d'un trop plein de confiance. D'ailleurs en CL, la ou les joueurs sont au top de la concentration, on a encaissé un seul but sur CSC.

Et c’est dommage car ce but nous a coûté la CLA … ce but me reste en travers de la gorge … hhhhh

#3101 22-07-2024 21:35

Re : Le BD de l'Espérance : nouvelles, critiques et suggestions

#3102 22-07-2024 21:42

Re : Le BD de l'Espérance : nouvelles, critiques et suggestions

#3103 22-07-2024 21:45

Re : Le BD de l'Espérance : nouvelles, critiques et suggestions

#3104 22-07-2024 21:46

Re : Le BD de l'Espérance : nouvelles, critiques et suggestions

#3105 22-07-2024 21:47

Re : Le BD de l'Espérance : nouvelles, critiques et suggestions

#3106 22-07-2024 21:51

Re : Le BD de l'Espérance : nouvelles, critiques et suggestions

#3107 22-07-2024 21:58

Re : Le BD de l'Espérance : nouvelles, critiques et suggestions

#3108 22-07-2024 22:08

Re : Le BD de l'Espérance : nouvelles, critiques et suggestions

#3109 22-07-2024 22:15

Re : Le BD de l'Espérance : nouvelles, critiques et suggestions

#3110 22-07-2024 22:16

Re : Le BD de l'Espérance : nouvelles, critiques et suggestions

#3111 23-07-2024 01:26

Re : Le BD de l'Espérance : nouvelles, critiques et suggestions

#3112 23-07-2024 01:28

Re : Le BD de l'Espérance : nouvelles, critiques et suggestions

#3113 23-07-2024 06:30

Re : Le BD de l'Espérance : nouvelles, critiques et suggestions

#3114 23-07-2024 09:52

Re : Le BD de l'Espérance : nouvelles, critiques et suggestions

#3115 23-07-2024 10:25

Re : Le BD de l'Espérance : nouvelles, critiques et suggestions

#3116 23-07-2024 10:52

Re : Le BD de l'Espérance : nouvelles, critiques et suggestions

#3117 23-07-2024 11:54

Re : Le BD de l'Espérance : nouvelles, critiques et suggestions

#3118 23-07-2024 12:11

Re : Le BD de l'Espérance : nouvelles, critiques et suggestions

#3119 23-07-2024 12:22

Re : Le BD de l'Espérance : nouvelles, critiques et suggestions

#3120 23-07-2024 12:27

Re : Le BD de l'Espérance : nouvelles, critiques et suggestions

#3121 23-07-2024 12:44

Re : Le BD de l'Espérance : nouvelles, critiques et suggestions

#3122 23-07-2024 12:47

Re : Le BD de l'Espérance : nouvelles, critiques et suggestions

#3123 23-07-2024 12:58

Re : Le BD de l'Espérance : nouvelles, critiques et suggestions

#3124 23-07-2024 14:06

Re : Le BD de l'Espérance : nouvelles, critiques et suggestions

#3125 23-07-2024 14:26

Re : Le BD de l'Espérance : nouvelles, critiques et suggestions

Pied de page des forums