E-S-Tunis.com

khaliloz

Super Fan

Lieu : Nabeul

Inscription : 08-04-2008

Messages : 1 759

Re : [CAF CL - J06] Samedi 02/03/2024 EST vs Al Hilal 20:00

صباح الخير
قريت تعليقك ونشكرك على تفاعلك مع اللي قلتو
بالنسبة لسبان الناس انا نتصور ما سبيت حد بصيفتو وشخصو انا قلت النجم الحاوي كلمتين يحتملوا برشا تاويل وما يحاسبش عليهم القانون وما يمكنش اعتبارهم تجاوز اخلاقي اللهم الا اذا تمت المحاسبة على النوايا .
وباش نكون صريح معاك نقلك انا مستحيل نقول النجم الرياضي الساحلي لجمعية كل مكوناتها (وخاصة لقامهم وحشفيهم وزيادهم) يسميونا الترشي واذا تقارن التسميتين توة تلاخظ الفارق. عندي انا العين بعيون والسن بسنون والبادي احمق
بالنسبة للايام الافاضل والشهر الفضيل انا في اعتقادي كل ايام السنة هي ايام ربي ببركتها وفضلها وكل الاشهر هي اشهر تقوى وعبادة وتقرب من رب العالمين وعلى هذاكة ما يلزمش نحددو للمعصية زمان ومكان.
وباش نطمنك (اذا كلامي قلقك) انا والحمد لله ماعنديش علاش نستتر لا في افعالي ولا في اقوالي ومقولة اسكبو النبيذ كلمة مشهورة ومعروفة تقال للتعبير عن الفرح ومعندهاش علاقة (بعلاقتي برب العالمين). هذا من ناحية
من ناحية اخرى اشكون قالك اللي النبيذ كله مُسكر اذا ما تعرفش نقلك اللى (منقوع التمر) يتسمى نبيذ وهو غير مّسكر وكان سيد الخلق عليه الصلاة والسلام يشربو قبل رمضان وفي رمضان وبعد رمضان.....وهذا موضوع اخر يمكنلك تراجعوا وتثبت منو
                                      تحياتي

كلمتين ما يحاسبش عليهم القانون لكن نهار اخر في يوم الحساب هذه معصية من معاصي اللسان وهي الغيبة وهي ذكر اخاك المسلم بما يكره( تصور انت واحد من الساحل كي تقل يا حاوي يشيخ في مخو)
ثانيا ديننا و شرعنا حثنا على تحري الايام الأفاضل كيوم عرفة و ليلة النصف من شعبان و رمضان الذي فيه ليلة خير من الف شهر،، فكيف تساوي الايام.؟
اما قولك اسكب النبيذ فالعامي مباشرة يفهم منه الخمر وهي عبارات مصدرها من غير المسلمين
وهذا الافضل تجنبه.. هناك اقوال يقولها النصارى توصل للخروج من الدين كقول
Les dieux du stade
فهذه عبارة صريحة ولا ينظر للقصد بما ان من كتبها يفهم معناها..

وتحيا الترجي و الله يصلح حالنا
ومعذرة من اخواننا إلى هذه الإجابة قد تكون خارجة عن موضوع الصفحة لكنها مهمة وقد يترجى منها حصول النفع

Dernière modification par khaliloz (03-03-2024 19:15)

babbou

Fan

Inscription : 08-09-2011

Messages : 158

Re : [CAF CL - J06] Samedi 02/03/2024 EST vs Al Hilal 20:00

كلمتين ما يحاسبش عليهم القانون لكن نهار اخر في يوم الحساب هذه معصية من معاصي اللسان وهي الغيبة وهي ذكر اخاك المسلم بما يكره( تصور انت واحد من الساحل كي تقل يا حاوي يشيخ في مخو)
ثانيا ديننا و شرعنا حثنا على تحري الايام الأفاضل كيوم عرفة و ليلة النصف من شعبان و رمضان الذي فيه ليلة خير من الف شهر،، فكيف تساوي الايام.؟
اما قولك اسكب النبيذ فالعامي مباشرة يفهم منه الخمر وهي عبارات مصدرها من غير المسلمين
وهذا الافضل تجنبه.. هناك اقوال يقولها النصارى توصل للخروج من الدين كقول
Les dieux du stade
فهذه عبارة صريحة ولا ينظر للقصد بما ان من كتبها يفهم معناها..

وتحيا الترجي و الله يصلح حالنا
ومعذرة من اخواننا إلى هذه الإجابة قد تكون خارجة عن موضوع الصفحة لكنها مهمة وقد يترجى منها حصول النفع

بما انك اخترت باش تعمل منو مسلسل هالبوست المحنون انا نذكرك اللى هالموقع يحكي في الكورة ويتكلم في امور تهم الترجي اما المسائل لخرى فعندها مواقعها وعندها اماليها. انا نعتقد انو يكون افضل انك تنحي الجبة والعمامة متاع الواعظ والامر بالمعروف والناهي عن المنكر وتلبس مريول الترجي وتحكي فيما يزيدها وما ينقصها باش تكون هكاكة متصالح مع نفسك ومع كل الموجودين في الموقع لاني بصراحة انا نرى انك بعيد برشا عن ضوابط ومتطلبات الوعظ والامر بالمعروف والنهي عن المنكر اللى عندهم شروط ما نراهاش فيك. وفى لكلام.

Dernière modification par babbou (04-03-2024 13:00)

tarajjidawla

Modérateur

Lieu : tunis

Inscription : 27-12-2009

Messages : 26 837

Re : [CAF CL - J06] Samedi 02/03/2024 EST vs Al Hilal 20:00

@khaliloz

خويا كلامك في برشى صحيح و حد ما ينجم ينكروا أما راهوا كيف نحكيوا كلام متاع ستاد يقعد كلام متاع ستاد و كيف نقولوا ساحلي .... ما حبيتش نحط الكلمة إحتراما في البوست متاعك راعهوا نقصدوا جمهور النجم و ليس سكان الساحل بما أنوا حتى في المكشخين و في الفوروم عندنا برشى سواحلية و ما تقلقوش من الكلمة غلى خاطر ما يحسوش إلي تعنيهم

خويا رانا نبداوا في الستاد نغنيوا و نقولوا في الكلام هذا و كيف يجي وقت الصلاة تلقانا هبطنا نصليوا و كاينوا ما صار شيء

راهوا الستاد مكان متاع ترفيه عن النفس بعد الستراس متاع الخدمة و المشاكل و ما فماش كره للٱخر و عندي أعز صحابي زناطير و من جمهور النجم و صفاقس و ما فماش كره خارج الميدان و إخوة في الدين و نتقاسموا نفس البلاد و حب البلاد و تونس الغالية العزيزة علينا

ميساج متاعك وصل و هذا حقك و لاكن الأعمال بالنيات خويا و أحنا نفدلكوا و نرفهوا على رواحنا لا غير

إن شاء الله رمضان مبارك على الأمة
   الإسلامية جمعاء و خاصة المكشخين